Ἀμφιτρύων
1072 ὁρᾶθ’ ὁρᾶτε . τὸ φάος ἐκλιπεῖν
1073 μὲν ἐπὶ κακοῖσιν οὐ
1074 φεύγω τάλας , ἀλλ’ εἴ με κανεῖ πατέρ’ ὄντα ,
1075 πρὸς δὲ κακοῖς κακὰ μήσεται
1076 πρὸς Ἐρινύσι θ’ αἷμα σύγγονον ἕξει . [ ... ]
Χορός
1078 τότε θανεῖν σ’ ἐχρῆν , ὅτε δάμαρτι σᾷ
1079 φόνον ὁμοσπόρων ἔμολες ἐκπράξας
1080 Ταφίων περίκλυστον ἄστυ πέρσας . [ ... ]
Ἀμφιτρύων
1081 φυγὰν φυγάν , γέροντες , ἀποπρὸ δωμάτων
1082 διώκετε · φεύγετε μάργον
1083 ἄνδρ’ ἐπεγειρόμενον .
1084 { ἢ } τάχα φόνον ἕτερον ἐπὶ φόνῳ βαλὼν
1085 ἀν’ αὖ βακχεύσει Καδμείων πόλιν .
Χορός
1086 ὦ Ζεῦ , τί παῖδ’ ἤχθηρας ὧδ’ ὑπερκότως
1087 τὸν σόν , κακῶν δὲ πέλαγος ἐς τόδ’ ἤγαγες ;