Greek Reader — The New Testament, The Gospel According to Matthew (4.1

4.1 Τότε [ ὁ ] Ἰησοῦς ἀνήχθη εἰς τὴν ἔρημον ὑπὸ τοῦ πνεύματος , πειρασθῆναι ὑπὸ τοῦ διαβόλου .

4.2 καὶ νηστεύσας ἡμέρας τεσσεράκοντα καὶ νύκτας τεσσεράκοντα ὕστερον ἐπείνασεν .

4.3 Καὶ προσελθὼν ὁ πειράζων εἶπεν αὐτῷ Εἰ υἱὸς εἶ τοῦ θεοῦ , εἰπὸν ἵνα οἱ λίθοι οὗτοι ἄρτοι γένωνται .

4.4 ὁ δὲ ἀποκριθεὶς εἶπεν Γέγραπται " Οὐκ ἐπ’ ἄρτῳ μόνῳ ζήσεται ὁ ἄνθρωπος , ἀλλ’ ἐπὶ παντὶ ῥήματι ἐκπορευομένῳ διὰ στόματος θεοῦ . "

4.5 Τότε παραλαμβάνει αὐτὸν ὁ διάβολος εἰς τὴν ἁγίαν πόλιν , καὶ ἔστησεν αὐτὸν ἐπὶ τὸ πτερύγιον τοῦ ἱεροῦ ,

4.6 καὶ λέγει αὐτῷ Εἰ υἱὸς εἶ τοῦ θεοῦ , βάλε σεαυτὸν κάτω · γέγραπται γὰρ ὅτι " Τοῖς ἀγγέλοις αὐτοῦ ἐντελεῖται περὶ σοῦ καὶ ἐπὶ χειρῶν ἀροῦσίν σε , μή ποτε προσκόψῃς πρὸς λίθον τὸν πόδα σου . "

4.7 ἔφη αὐτῷ ὁ Ἰησοῦς Πάλιν γέγραπται " Οὐκ ἐκπειράσεις Κύριον τὸν θεόν σου . "

4.8 Πάλιν παραλαμβάνει αὐτὸν ὁ διάβολος εἰς ὄρος ὑψηλὸν λίαν , καὶ δείκνυσιν αὐτῷ πάσας τὰς βασιλείας τοῦ κόσμου καὶ τὴν δόξαν αὐτῶν ,

4.9 καὶ εἶπεν αὐτῷ Ταῦτά σοι πάντα δώσω ἐὰν πεσὼν προσκυνήσῃς μοι .

4.10 τότε λέγει αὐτῷ ὁ Ἰησοῦς Ὕπαγε , Σατανᾶ · γέγραπται γάρ " Κύριον τὸν θεόν σου προσκυνήσεις καὶ αὐτῷ μόνῳ λατρεύσεις . "

4.11 Τότε ἀφίησιν αὐτὸν ὁ διάβολος , καὶ ἰδοὺ ἄγγελοι προσῆλθον καὶ διηκόνουν αὐτῷ .

4.12 Ἀκούσας δὲ ὅτι Ἰωάνης παρεδόθη ἀνεχώρησεν εἰς τὴν Γαλιλαίαν .

4.13 καὶ καταλιπὼν τὴν Ναζαρὰ ἐλθὼν κατῴκησεν εἰς Καφαρναοὺμ τὴν παραθαλασσίαν ἐν ὁρίοις Ζαβουλὼν καὶ Νεφθαλείμ ·

Morphology & Lexicon ( hover to peek ✧ click to lock )

Morphology & Lexicon
( hover to peek ✧ click to lock )