3.17.3 ἀλλʹ ἐκεῖνο βλέπε , εἰ ἐν τῷ πιστὸς εἶναι πλέον σου ἔχει , εἰ ἐν τῷ αἰδήμων . οὐ γὰρ εὑρήσεις · ἀλλʹ ὅπου κρείττων , ἐκεῖ σαυτὸν εὑρήσεις πλέον ἔχοντα .
3.17.4 κἀγώ ποτʹ εἶπόν τινι ἀγανακτοῦντι , ὅτι Φιλόστοργος εὐτυχεῖ , Ἤθελες ἂν σὺ μετὰ Σούρα κοιμᾶσθαι ; — μὴ γένοιτο , φησίν ,
3.17.5 ἐκείνη ἡ ἡμέρα . — τί οὖν ἀγανακτεῖς , εἰ λαμβάνει τι ἀνθʹ οὗ πωλεῖ ; ἢ πῶς μακαρίζεις τὸν διὰ τούτων , ἃ σὺ ἀπεύχῃ , κτώμενον ἐκεῖνα ; ἢ τί κακὸν ποιεῖ ἡ πρόνοια , εἰ τοῖς κρείττοσι τὰ κρείττω δίδωσιν ; ἢ οὐκ ἔστι κρεῖττον αἰδήμονα εἶναι ἢ πλούσιον ; ὡμολόγει . τί οὖν ἀγανακτεῖς , ἄνθρωπε , ἔχων τὸ κρεῖττον ;
3.17.6 μέμνησθε οὖν ἀεὶ καὶ πρόχειρον ἔχετε , ὅτι νόμος οὗτος φυσικὸς τὸν κρείττονα τοῦ χείρονος πλέον ἔχειν , ἐν ᾧ κρείττων ἐστίν , καὶ οὐδέποτʹ ἀγανακτήσετε .
3.17.7 ἀλλʹ ἡ γυνή μοι κακῶς χρῆται . καλῶς . ἄν τίς σου πυνθάνηται , τί ἐστι τοῦτο , λέγε ἡ γυνή μοι κακῶς χρῆται . ἄλλο οὖν οὐδέν ;
3.17.8 οὐδέν . ὁ πατήρ μοι οὐδὲν δίδωσιν . ὅτι δὲ κακόν ἐστιν , τοῦτο ἔσωθεν αὐτῷ δεῖ προσθεῖναι καὶ προσκαταψεύσασθαι ;
3.17.9 διὰ τοῦτο οὐ δεῖ τὴν πενίαν ἐκβάλλειν , ἀλλὰ τὸ δόγμα τὸ περὶ αὐτῆς , καὶ οὕτως εὐροήσομεν .
3.18.head ὅτι οὐ δεῖ πρὸς τὰς ἀγγελίας ταράσσεσθαι .
3.18.1 ὅταν σοί τι προσαγγελθῇ ταρακτικόν , ἐκεῖνο ἔχε πρόχειρον , ὅτι ἀγγελία περὶ οὐδενὸς προαιρετικοῦ γίνεται . μή τι γὰρ δύναταί σοί τις ἀγγεῖλαι ,