Δημοφῶν
120 ἐπείπερ ἔφθης πρέσβυς ὢν νεωτέρους
121 βοηδρομήσας τήνδ’ ἐπ’ ἐσχάραν Διός ,
122 λέξον , τίς ὄχλον τόνδ’ ἀθροίζεται τύχη ;
Χορός
123 ἱκέται κάθηνται παῖδες οἵδ’ Ἡρακλέους
124 βωμὸν καταστέψαντες , ὡς ὁρᾷς , ἄναξ ,
125 πατρός τε πιστὸς Ἰόλεως παραστάτης .
Δημοφῶν
126 τί δῆτ’ ἰυγμῶν ἥδ’ ἐδεῖτο συμφορά ;
Χορός
127 βίᾳ νιν οὗτος τῆσδ’ ἀπ’ ἐσχάρας ἄγειν
128 ζητῶν βοὴν ἔστησε κἄσφηλεν γόνυ
129 γέροντος , ὥστε μ’ ἐκβαλεῖν οἴκτῳ δάκρυ .
Δημοφῶν
130 καὶ μὴν στολήν γ’ Ἕλληνα καὶ ῥυθμὸν πέπλων
131 ἔχει , τὰ δ’ ἔργα βαρβάρου χερὸς τάδε .
132 σὸν δὴ τὸ φράζειν ἐστί , μὴ μέλλειν τ’ , ἐμοὶ
133 ποίας ἀφῖξαι δεῦρο γῆς ὅρους λιπών ;