Greek Reader — Euripides Heracles (140–169)

Euripides Heracles 140–169

Λύκος

140 τὸν Ἡράκλειον πατέρα καὶ ξυνάορον ,

141 εἰ χρή μ’ , ἐρωτῶ · χρὴ δ’ , ἐπεί γε δεσπότης

142 ὑμῶν καθέστηχ’ , ἱστορεῖν ἃ βούλομαι .

143 τίν’ ἐς χρόνον ζητεῖτε μηκῦναι βίον ;

144 τίν’ ἐλπίδ’ ἀλκήν τ’ εἰσορᾶτε μὴ θανεῖν ;

145 ἢ τὸν παρ’ Ἅιδῃ πατέρα τῶνδε κείμενον

146 πιστεύεθ’ ἥξειν ; ὡς ὑπὲρ τὴν ἀξίαν

147 τὸ πένθος αἴρεσθ’ , εἰ θανεῖν ὑμᾶς χρεών ,

148 σὺ μὲν καθ’ Ἑλλάδ’ ἐκβαλὼν κόμπους κενούς ,

149 ὡς σύγγαμός σοι Ζεὺς τέκ { νου τε κ } οινεών ,

150 σὺ δ’ ὡς ἀρίστου φωτὸς ἐκλήθης δάμαρ .

151 τί δὴ τὸ σεμνὸν σῷ κατείργασται πόσει ,

152 ὕδραν ἕλειον εἰ διώλεσε κτανὼν

153 ἢ τὸν Νέμειον θῆρα ; ὃν ἐν βρόχοις ἑλὼν

154 βραχίονός φησ’ ἀγχόναισιν ἐξελεῖν .

155 τοῖσδ’ ἐξαγωνίζεσθε ; τῶνδ’ ἄρ’ οὕνεκα

156 τοὺς Ἡρακλείους παῖδας οὐ θνῄσκειν χρεών ;

157 ὃς ἔσχε δόξαν οὐδὲν ὢν εὐψυχίας

158 θηρῶν ἐν αἰχμῇ , τἄλλα δ’ οὐδὲν ἄλκιμος ,

159 ὃς οὔποτ’ ἀσπίδ’ ἔσχε πρὸς λαιᾷ χερὶ

160 οὐδ’ ἦλθε λόγχης ἐγγύς , ἀλλὰ τόξ’ ἔχων ,

161 κάκιστον ὅπλον , τῇ φυγῇ πρόχειρος ἦν .

162 ἀνδρὸς δ’ ἔλεγχος οὐχὶ τόξ’ εὐψυχίας ,

163 ἀλλ’ ὃς μένων βλέπει τε κἀντιδέρκεται

164 δορὸς ταχεῖαν ἄλοκα τάξιν ἐμβεβώς .

165 ἔχει δὲ τοὐμὸν οὐκ ἀναίδειαν , γέρον ,

166 ἀλλ’ εὐλάβειαν · οἶδα γὰρ κατακτανὼν

167 Κρέοντα πατέρα τῆσδε καὶ θρόνους ἔχων .

168 οὔκουν τραφέντων τῶνδε τιμωροὺς ἐμοὺς

169 χρῄζω λιπέσθαι τῶν δεδραμένων δίκην .