1.1.25 ταῦτα ἔδει μελετᾶν τοὺς φιλοσοφοῦντας , ταῦτα καθʹ ἡμέραν γράφειν , ἐν τούτοις γυμνάζεσθαι . Θρασέας εἰώθει λέγειν
1.1.26 σήμερον ἀναιρεθῆναι θέλω μᾶλλον ἢ αὔριον φυγαδευθῆναι
1.1.27 τί οὖν αὐτῷ Ῥοῦφος εἶπεν ; εἰ μὲν ὡς βαρύτερον ἐκλέγῃ , τίς ἡ μωρία τῆς ἐκλογῆς ; εἰ δʹ ὡς κουφότερον , τίς σοι δέδωκεν ; οὐ θέλεις μελετᾶν ἀρκεῖσθαι τῷ δεδομένῳ ;
1.1.28 διὰ τοῦτο γὰρ Ἀγριππῖνος τί ἔλεγεν ; ὅτι ἐγὼ ἐμαυτῷ ἐμπόδιος οὐ γίνομαι . ἀπηγγέλη αὐτῷ ὅτι
1.1.29 κρίνῃ ἐν συγκλήτῳ . — ἀγαθῇ τύχῃ . ἀλλὰ ἦλθεν ἡ πέμπτη ( ταύτῃ δʹ εἰώθει γυμνασάμενος ψυχρολουτρεῖν ) ·
1.1.30 ἀπέλθωμεν καὶ γυμνασθῶμεν . γυμνασαμένῳ λέγει τις , αὐτῷ ἐλθὼν ὅτι Κατακέκρισαι . — φυγῇ , , φησίν , ἢ θανάτῳ ; — φυγῇ . — τὰ ὑπάρχοντα τί ; — οὐκ ἀφῃρέθη . — εἰς Ἀρίκειαν οὖν ἀπελθόντες ἀριστήσωμεν .
1.1.31 — τοῦτʹ ἔστι μεμελετηκέναι ἃ δεῖ μελετᾶν , ὄρεξιν ἔκκλισιν ἀκώλυτα ἀπερίπτωτα παρεσκευακέναι . ἀποθανεῖν με δεῖ .
1.1.32 εἰ ἤδη , ἀποθνῄσκω · κἂν μετʹ ὀλίγον , νῦν ἀριστῶ τῆς ὥρας ἐλθούσης , εἶτα τότε τεθνήξομαι . πῶς ; ὡς προσήκει τὸν τὰ ἀλλότρια ἀποδιδόντα .
1.2.head πῶς ἄν τις σῴζοι τὸ κατὰ πρόσωπον ἐν παντί .
1.2.1 τῷ λογικῷ ζῴῳ μόνον ἀφόρητόν ἐστι τὸ ἄλογον , τὸ δʹ εὔλογον φορητόν .
1.2.2 πληγαὶ οὐκ εἰσὶν ἀφόρητοι τῇ φύσει . — τίνα τρόπον ; — ὅρα πῶς · Λακεδαιμόνιοι μαστιγοῦνται μαθόντες ὅτι εὔλογόν ἐστιν .
1.2.3 — τὸ δʹ ἀπάγξασθαι οὐκ ἔστιν ἀφόρητον ; — ὅταν γοῦν πάθῃ τις ὅτι εὔ