1.7.15 καὶ πῶς οἷόν τʹ ; ἀλλὰ λέγειν ὅτι οὐχ ὑγιῶς παρεχώρησα τὰ ὡμολογημένα ; καὶ μὴν οὐδὲ τοῦτο δίδοται . ἀλλʹ ὅτι οὐ συμβαίνει διὰ τῶν παρακεχωρημένων ; ἀλλʹ οὐδὲ τοῦτο δίδοται .
1.7.16 τί οὖν ἐπὶ τούτων ποιητέον ; ἢ μή ποτε ὡς οὐκ ἀρκεῖ τὸ δανείσασθαι πρὸς τὸ ἔτι ὀφείλειν , ἀλλὰ δεῖ προσεῖναι καὶ τὸ ἐπιμένειν ἐπὶ τοῦ δανείου καὶ μὴ διαλελύσθαι αὐτό , οὕτως οὐκ ἀρκεῖ πρὸς τὸ δεῖν παραχωρεῖν τὸ ἐπιφερόμενον τὸ δεδωκέναι τὰ λήμματα , δεῖ δʹ ἐπιμένειν ἐπὶ τῆς παραχωρήσεως αὐτῶν .
1.7.17 καὶ δὴ μενόντων μὲν αὐτῶν εἰς τέλος ὁποῖα παρεχωρήθη πᾶσα ἀνάγκη ἡμᾶς ἐπὶ τῆς παραχωρήσεως ἐπιμένειν καὶ
1.7.19 τὸ ἀκόλουθον αὐτοῖς προσδέχεσθαι οὐδὲ γὰρ ἡμῖν ἔτι οὐδὲ καθʹ ἡμᾶς συμβαίνει τοῦτο τὸ ἐπιφερόμενον , ἐπειδὴ τῆς συγχωρήσεως τῶν λημμάτων ἀπέστημεν .
1.7.20 δεῖ οὖν καὶ τὰ τοιαῦτα τῶν λημμάτων ἱστορῆσαι καὶ τὴν τοιαύτην μεταβολήν τε καὶ μετάπτωσιν αὐτῶν , καθʹ ἣν ἐν αὐτῇ τῇ ἐρωτήσει ἢ τῇ ἀποκρίσει ἢ τῷ συλλελογίσθαι ἤ τινι ἄλλῳ τοιούτῳ † λαμβάνοντα τὰς μεταπτώσεις ἀφορμὴν παρέχει τοῖς ἀνοήτοις τοῦ ταράσσεσθαι μὴ βλέπουσι τὸ ἀκόλουθον . τίνος ἕνεκα ; ἵνʹ ἐν τῷ τόπῳ
1.7.21 τούτῳ μὴ παρὰ τὸ καθῆκον μηδʹ εἰκῇ μηδὲ συγκεχυμένως ἀναστρεφώμεθα .
1.7.22 καὶ τὸ αὐτὸ ἐπί τε τῶν ὑποθέσεων καὶ τῶν ὑποθετικῶν λόγων . ἀναγκαῖον γὰρ ἔστιν ὅτʹ αἰτῆσαί τινα ὑπόθεσιν ὥσπερ ἐπιβάθραν τῷ ἑξῆς λόγῳ .
1.7.23 πᾶσαν οὖν τὴν δοθεῖσαν παραχωρητέον ἢ οὐ πᾶσαν ; καὶ εἰ οὐ πᾶσαν , τίνα ;