Greek Reader — Epictetus, Discourses (1.9.27

1.9.27 ἐμέ τις ἠξίωκεν ὑπὲρ αὐτοῦ γράψαι εἰς τὴν Ῥώμην ὡς ἐδόκει τοῖς πολλοῖς ἠτυχηκὼς καὶ πρότερον μὲν ἐπιφανὴς ὢν καὶ πλούσιος , ὕστερον δʹ ἐκπεπτωκὼς ἁπάντων καὶ διάγων ἐνταῦθα .

1.9.28 κἀγὼ ἔγραψα ὑπὲρ αὐτοῦ ταπεινῶς . ὁ δʹ ἀναγνοὺς τὴν ἐπιστολὴν ἀπέδωκέν μοι αὐτὴν καὶ ἔφη ὅτι ἐγὼ βοηθηθῆναί τι ὑπὸ σοῦ ἤθελον , οὐχὶ ἐλεηθῆναι · κακὸν δέ μοι οὐθέν ἐστιν . οὕτως καὶ Ῥοῦφος πειράζων μʹ εἰώθει λέγειν

1.9.29 συμβήσεταί σοι τοῦτο καὶ τοῦτο ὑπὸ τοῦ δεσπότου .

1.9.30 κἀμοῦ πρὸς αὐτὸν ἀποκριναμένου ὅτι ἀνθρώπινα τί οὖν ἔτι ἐκεῖνον παρακαλῶ παρὰ σοῦ αὐτὰ λαβεῖν δυνάμενος ; τῷ γὰρ ὄντι ,

1.9.31 ὃ ἐξ αὑτοῦ τις ἔχει , περισσὸς καὶ μάταιος παρʹ ἄλλου λαμβάνων .

1.9.32 ἐγὼ οὖν ἔχων ἐξ ἐμαυτοῦ λαβεῖν τὸ μεγαλόψυχον καὶ γενναῖον , ἀγρὸν παρὰ σοῦ λάβω καὶ ἀργύριον ἢ ἀρχήν τινα ; μὴ γένοιτο . οὐχ οὕτως ἀναίσθητος ἔσομαι τῶν ἐμῶν κτημάτων .

1.9.33 ἀλλʹ ὅταν τις ᾖ δειλὸς καὶ ταπεινός , ὑπὲρ τούτου τί ἄλλο ἢ ἀνάγκη γράφειν ἐπιστολὰς ὡς ὑπὲρ νεκροῦ τὸ πτῶμα ἡμῖν χάρισαι τοῦ δεῖνος καὶ ξέστην αἱματίου ;

1.9.34 τῷ γὰρ ὄντι πτῶμα ὁ τοιοῦτός ἐστι καὶ ξέστης αἱματίου , πλέον δʹ οὐδέν . εἰ δʹ ἦν πλέον τι , ᾐσθάνετʹ ἄν , ὅτι ἄλλος διʹ ἄλλον οὐ δυστυχεῖ .

1.10.head πρὸς τοὺς περὶ τὰς ἐν Ῥώμῃ προαγωγὰς ἐσπουδακότας .

1.10.1 εἰ οὕτως σφοδρῶς συνετετάγμεθα περὶ τὸ ἔργον τὸ ἑαυτῶν ὡς οἱ ἐν Ῥώμῃ γέροντες περὶ ἃ ἐσπουδάκασιν , τάχα ἄν τι ἠνύομεν καὶ αὐτοί .

Morphology & Lexicon ( hover to peek ✧ click to lock )

Morphology & Lexicon
( hover to peek ✧ click to lock )