Greek Reader — Epictetus, Discourses (1.24.1

1.24.1 αἱ περιστάσεις εἰσὶν αἱ τοὺς ἄνδρας δεικνύουσαι . λοιπὸν ὅταν ἐμπέσῃ περίστασις , μέμνησο ὅτι ὁ θεός σε ὡς ἀλείπτης τραχεῖ νεανίσκῳ

1.24.2 συμβέβληκεν . — ἵνα τί ; φησίν . — ἵνα Ὀλυμπιονίκης γένῃ · δίχα δʹ ἱδρῶτος οὐ γίγνεται . ἐμοὶ μὲν οὐδεὶς δοκεῖ κρείσσονα ἐσχηκέναι περίστασιν ἧς σὺ ἔσχηκας , ἂν θέλῃς ὡς ἀθλητὴς νεανίσκῳ χρῆσθαι .

1.24.3 καὶ νῦν ἡμεῖς γε εἰς τὴν Ῥώμην κατάσκοπον πέμπομεν . οὐδεὶς δὲ δειλὸν κατάσκοπον πέμπει , ἵνʹ , ἂν μόνον ἀκούσῃ ψόφου καὶ σκιάν ποθεν ἴδῃ , τρέχων ἔλθῃ τεταραγμένος καὶ λέγων ἤδη παρεῖναι τοὺς πολεμίους .

1.24.4 οὕτως νῦν καὶ σὺ ἂν ἐλθὼν ἡμῖν εἴπῃς φοβερὰ τὰ ἐν Ῥώμῃ πράγματα , δεινόν ἐστι θάνατος , δεινόν ἐστι φυγή , δεινὸν λοιδορία , δεινὸν πενία · φεύγετε ἄνδρες , πάρεισιν οἱ πολέμιοι ,

1.24.5 ἐροῦμέν σοι ἄπελθε , σεαυτῷ μαντεύου · ἡμεῖς τοῦτο μόνον ἡμάρτομεν , ὅτι τοιοῦτον κατάσκοπον ἐπέμπομεν .

1.24.6 πρὸ σοῦ κατάσκοπος ἀποσταλεὶς Διογένης ἄλλα ἡμῖν ἀπήγγελκεν . λέγει ὅτι ὁ θάνατος οὐκ ἔστι κακόν , οὐδὲ γὰρ αἰσχρόν · λέγει ὅτι ἀδοξία ψόφος ἐστὶ μαινομένων ἀνθρώπων .

1.24.7 οἷα δὲ περὶ πόνου , οἷα δὲ περὶ ἡδονῆς , οἷα περὶ πενίας εἴρηκεν οὗτος ὁ κατάσκοπος . τὸ δὲ γυμνασιὸν εἶναι λέγει ὅτι κρεῖσσόν ἐστι πάσης περιπορφύρου · τὸ δʹ ἐπʹ ἀστρώτῳ πέδῳ καθεύδειν λέγει ὅτι μαλακωτάτη κοίτη ἐστίν .

1.24.8 καὶ ἀπόδειξιν φέρει περὶ ἑκάστου τὸ θάρσος τὸ αὑτοῦ , τὴν ἀταραξίαν , τὴν ἐλευθερίαν , εἶτα καὶ τὸ σωμάτιον στίλβον καὶ συνεστραμμένον .

Morphology & Lexicon ( hover to peek ✧ click to lock )

Morphology & Lexicon
( hover to peek ✧ click to lock )