2.21.17 πόθεν ; οὐδʹ ἐγγύς . ἐκεῖνο γοῦν βλέπετε μᾶλλον , εἰ ἐφʹ ὃ ἔρχεσθε τοῦτο ὑμῖν γίνεται . θέλετε λαλεῖν περὶ τῶν θεωρημάτων . τί οὖν ; οὐ φλυαρότεροι γίνεσθε ; οὐχὶ δὲ παρέχει τινὰ ὕλην ὑμῖν πρὸς τὸ ἐπιδείκνυσθαι τὰ θεωρημάτια ; οὐ συλλογισμοὺς ἀναλύετε , μεταπίπτοντας ; οὐκ ἐφοδεύετε Ψευδομένου λήμματα , ὑποθετικούς ; τί οὖν ἔτι ἀγανακτεῖτε εἰ ἐφʹ ἃ πάρεστε , ταῦτα λαμβάνετε ;
2.21.18 ναί · ἀλλʹ ἂν ἀποθάνῃ μου τὸ παιδίον ἢ ὁ ἀδελφὸς ἢ ἐμὲ ἀποθνῄσκειν δέῃ ἢ στρεβλοῦσθαι , τί με τὰ τ
2.21.19 οιαῦτα ὠφελήσει ; μὴ γὰρ ἐπὶ τοῦτο ἦλθες , μὴ γὰρ τούτου ἕνεκά μοι παρακάθησαι , μὴ γὰρ διὰ τοῦτό ποτε λύχνον ἧψας ἢ ἠγρύπνησας ; ἢ εἰς τὸν περίπατον ἐξελθὼν προέβαλές ποτε σαυτῷ φαντασίαν τινὰ ἀντὶ συλλογισμοῦ καὶ ταύτην κοινῇ ἐφωδεύσατε ;
2.21.20 ποῦ ποτε ; εἶτα λέγετε ἄχρηστα τὰ θεωρήματα . τίσιν ; τοῖς οὐχ ὡς δεῖ χρωμένοις . τὰ γὰρ κολλύρια οὐκ ἄχρηστα τοῖς ὅτε δεῖ καὶ ὡς δεῖ ἐγχριομένοις , τὰ μαλάγματα δʹ οὐκ ἄχρηστα , οἱ ἁλτῆρες οὐκ ἄχρηστοι , ἀλλὰ τισὶν ἄχρηστοι , τισὶν πάλιν χρήσιμοι .
2.21.21 ἄν μου πυνθάνῃ νῦν χρήσιμοί εἰσιν οἱ συλλογισμοί ; ἐρῶ σοι ὅτι χρήσιμοι , κἂν θέλῃς , ἀποδείξω , πῶς . ἐμὲ οὖν τι ὠφελήκασιν ; ἄνθρωπε , μὴ γὰρ ἐπύθου , εἰ σοὶ χρήσιμοι , ἀλλὰ καθόλου ;